248-957-1841 info@westarabia.com

بفترة زمنية كل يوم نشرات الأخبار و وسائل التواصل الاجتماعي بتشارك آلاف الاخبار المحزنة والمخزية , بظن أجمل خبر صحي عليه العالم العربي من سنين هو حصول المعلمة حنان الحروب على لقب أفضل معلمة بالعالم.
حنان الحروب معلمة فلسطينية نشأت في مخيم للاجئين قرب بيت لحم. بعد تعرض زوجها واطفالها لحادثة اطلاق نار خلال طريق عودتهم من المدرسة ,انصابوا ابناء المعلمة حنان بصدمة نفسية بسبب مشاهدتوهم لوالدهم مصاب ومن بعد هالحادثة غيرت حنان تخصصها لتصبح معلمة متخصصة للأطفال المتضررين نفسيا من الحروب.
حفل توزيع الجوائز تم بمدينة دبي. أعلن عن المرشحين العشرة للفوز باللقب وجائزة المليون دولار الفيزيائي العالمي ستيفن هوكينغز. كما أعلن عن الفائزة القس بوب فرانسس. وحضر الحفل شخصيات مختلفة, من هوليوود الممثلة سلمى الحايك والنجم ماثيو ماكوناهي . وشخصيات سياسية كرئيس الوزراء البريطاني السابق توني بلير ونائب رئيس الامارات العربية المتحدة الشيخ محمد بن راشد ال مكتوم.images
وتمت تهنئة الفائزين برسالة فيديو للأمير وليام ,جوي بايدن نائب الرئيس الاميركي و الرئيس الاميريكي السابق بيل كلينتون. أي شخص بيعرف أهمية العلم والمعلمين بزمنا الحالي اكيد هو حاليا بحالة فخر وسعادة لا توصف بهالخبر. المعلم هو اللي قادر يصنع الثوار اللي عم يحرروا حاليا الأراضي المحتلة وينشروا الحرية وهو يلي قادر يصنع الظالم والمستبد اللي عم يهدم هالأراضي . لهيك نحنا محتاجين اكتر واكتر من معلمين متل المعلمة حنان بأوطاننا.
حاجتنا فخر بأكبر صحن تبولة واطول سندويشة فلافل . وتحطيم الارقام القياسية بعدد ضحايا الحروب.
حلت نحصد جوائز علمية ونحتل مراكز فكرية مهمة بين دول العالم الكبيرة. ونرجع اعتبار الخوارزمي ,الرازي, ابن خلدون والمتنبي. بهالطريقة بس رح نقدر نعمر كلشي نهدم بهالكم سنة اللي راحوا.

وتماما متل ما ذكرت المعلمة حنان ” المعلمون بامكانهم تغيير العالم “.